1呢個網站做乜
幫一班朋友(2 至 10 個人)搵一個大家搭公共交通去都差唔多時間嘅地方見面。你話畀佢知每個人喺邊度出發,佢就列出幾個「最遲到嗰個人都唔使搭太耐」嘅地點。
佢唔會:
- 話你知搭邊架車、喺邊度轉車(撳「路途詳情」會開 Google 地圖、Apple 地圖或者港鐵行程指南)。
- 計即時交通。塞車、延誤、臨時改道都唔知。
- 計的士、私家車、單車。
2時間點計、準幾多
- 全港分做 438 個地區,每個係一個交通樞紐(港鐵站、輕鐵站、渡輪碼頭、主要巴士總站)。屋苑、街道、大廈會歸入最近嗰個地區。
- 每兩個地區之間嘅時間,係用電腦照班次表預先計好嘅:「平日夜晚」用平日夜晚 7 點至 8 點出發,「週末日頭」用星期六下午 2 點至 3 點出發,各取一個代表時間。星期日同其他時間未必一樣。
- 時間已經包平均候車,未計由屋企行去車站。
- 同官方行程規劃比較過:港鐵一般相差約 3 分鐘(星期六約 5 分鐘);巴士、小巴約 5 分鐘;渡輪同班次疏嘅路線可以相差 10 分鐘以上。
- 所以相差 3 分鐘內嘅地方,網站當佢哋差唔多,一齊列出,冇分先後。
- 「直達/轉 1 次/轉 2 次或以上」同「鐵路/巴士小巴」嘅標示,係比較幾張預先計好嘅時間表推算出嚟(例如:淨係准搭一程車嘅時間,同唔限嘅時間相差 2 分鐘內,就當直達)。只供參考,可能同你實際搭嘅路線唔同;有啲「轉 1 次」嘅行法要行多啲路。
- 「少轉車」:揀咗之後,比較地方時每轉一次車當多 10 分鐘(最快行法要轉 1 次加 10 分鐘,轉 2 次或以上加 20 分鐘),再照你揀嘅方法排,所以直達嘅地方會行先。顯示嘅分鐘仍然係實際時間。轉車次數係上面講嘅推算,所以呢個只係偏向,唔保證真係少轉車。
- 尾班鐵路(估算):聚會地點同朋友出發嘅地區都係港鐵站或者輕鐵站,先會顯示「最遲幾點喺聚會地點上車,仲搭到鐵路返去」。係按 2026 年 11 月 11 日(星期三)22:30 至翌日 01:50 記錄嘅實時列車資料推算;轉車時間用劃一假設(一般轉車 8 分鐘、對面月台 2 分鐘、經行人通道 15 分鐘),答案再推早 2 分鐘。抽樣同官方尾班車時間核對過 66 對車站:冇一對遲過官方,21 對早 1 至 3 分鐘,45 對早 4 至 31 分鐘。即係通常偏早,但唔保證。
3要留意
- 分鐘只計去程。返屋企嗰程只有「尾班鐵路」嘅估算:只計港鐵同輕鐵,只有平日夜晚;巴士、小巴、通宵車同星期六都未計。尾班車會因為特別安排或者事故改動,夜晚聚會請以港鐵公佈為準。
- 班次表係 2026 年 11 月嘅版本(平日用 11 月 11 日星期三,週末用 11 月 14 日星期六)。之後路線有改動,網站未必即時跟。
- 港鐵星期六用咗平日嘅班次疏密,所以星期六嘅港鐵時間誤差會大啲(約 5 分鐘)。
- 渡輪班次疏,實際要睇船期。
4私隱
- 你填嘅名同揀嘅地點全部喺你部手機入面用,唔會傳去伺服器,亦唔會儲存。閂咗個頁就冇咗。除非你自己撳「複製連結」(見下面),否則佢哋唔會放入網址。部機只會記住一樣嘢:你揀咗邊種語言。
- 網站冇用任何第三方統計或者廣告程式。
- 唯一例外:你撳「路途詳情」入面嘅連結,就會開 Google 地圖、Apple 地圖或者港鐵網站,並將起點同終點傳畀佢哋。起點係你揀嘅地方:你打嗰個屋苑、大廈或者街道嘅位置,或者你喺地圖撳嗰一點;咁樣地圖先可以由你出發嘅地方開始帶路。港鐵網站只會收到車站。唔撳就乜都唔會傳。
- 撳「分享圖片」或者「複製文字」,網站只會喺你部機度砌一張圖或者一段文字,交畀你部機嘅分享功能或者剪貼簿,入面有你揀嘅起點名同聚會地點。貼去邊度、傳畀邊個由你自己決定;網站唔會收到,亦唔會放入網址。
- 撳「複製連結」,網站會砌一條連結,等朋友開到同一個結果。連結「#」後面會寫住:每個人嘅名或者代號、每個人出發嘅地區(係歸入嗰個地區,唔係你打嗰個屋苑名或者地圖上嗰一點)、時段同揀法。瀏覽器唔會將「#」後面嘅部分傳去伺服器,所以網站一樣收唔到;但邊個攞到條連結都睇得到入面嘅內容,連結亦會留喺對話記錄。由連結開頁之後,網站會即刻將網址列嘅呢部分抹走。
- 撳「用我而家位置」,位置只喺手機入面用嚟搵最近嘅地區,用完即掉。之後撳「路途詳情」,本網站都冇位置可以傳;地圖程式會自己用部機嘅位置做起點。
- 撳頁底嘅 Ko-fi 捐款掣,會開 Ko-fi 嘅網站(第三方);唔撳就唔會連去 Ko-fi。捐款資料由 Ko-fi 處理,本網站收唔到。
5資料來源與授權
本網站為非商業社區項目,由個人營運,與香港特別行政區政府、港鐵公司及任何運輸營辦商並無關連,亦未獲其認可。
交通時間:各地區之間的公共交通時間由 R5 路由引擎,根據運輸署經 DATA.GOV.HK 提供的公共交通資料、社群整理的港鐵及輕鐵資料(Hong Kong Community GTFS,Wheels Transit,ODbL)及 OpenStreetMap 路網計算,僅為估算,未計實際班次延誤、等候及步行差異。
尾班鐵路:根據香港鐵路有限公司經 DATA.GOV.HK 提供的「港鐵實時列車服務資訊」及「輕鐵實時列車服務資訊」(2026 年 11 月 11 日晚上記錄),以及港鐵公司開放數據的車站及輕鐵站次序推算;轉車時間為本網站自行設定的劃一假設,另加安全時間。僅為估算,並非港鐵公佈的尾班車時間。
來源承認:部分資料來自香港特別行政區政府及相關機構,經 DATA.GOV.HK 及 CSDI 共用地理空間數據平台提供(運輸署、地政總署、香港房屋委員會、教育局、香港鐵路有限公司)。政府及相關機構擁有該等資料的知識產權。有關資料按「現況」提供,政府及相關機構不就其準確性、完整性或適時性作任何保證,亦不承擔因使用而引致的任何責任。
地圖資料:© OpenStreetMap contributors。OpenStreetMap 資料按開放資料庫授權(ODbL 1.0)提供:https://www.openstreetmap.org/copyright 。本網站使用之海岸線、鐵路線及部分地名取自 OpenStreetMap(Geofabrik 香港提取,2026 年 10 月 17 日)。
地名:搜尋用的地名分為兩部分,分開存放。政府部分來自地政總署、香港房屋委員會、教育局及運輸署;開放授權部分來自 OpenStreetMap 及社群整理的港鐵及輕鐵資料,按 ODbL 1.0 提供。
軟件:地圖顯示使用 Leaflet(BSD-2-Clause,© Volodymyr Agafonkin, CloudMade);路由計算使用 R5(MIT,© Conveyal)及 r5py。
站名:港鐵站名及代碼僅用作識別,屬各自擁有人所有。
本網站資料可能有誤,亦可能於未經通知下更新。
6下載(按 ODbL 1.0 提供)
- 開放授權地名(OpenStreetMap 及社群港鐵資料,8,710 條):gaz-odbl.json
- 地圖海岸線及鐵路線(OpenStreetMap):base.json
用呢兩個檔要署名「© OpenStreetMap contributors」,再分發要沿用 ODbL。授權全文:https://opendatacommons.org/licenses/odbl/1-0/
7聯絡
資料有錯、想提意見,或者你係資料擁有人而有疑問:
- Instagram:@everyday.9upper
- 電郵:meetpoint@9upper.net
呢個網站由「追巴氏」製作:https://everyday.9upper.net/